Huawei P30 Pro مواصفات وسعر

Huawei P30 Pro الموبايل المنتظر من هواوى
كنا اتكلمنا قبل كده عن هواوى P30 وقلنا كل مواصفاته ومميزاته وكل التسريبات عنه وانهاردة هنتكلم عن تسريبات النسخة المتطورة منه أو النسخة الأفضل واللى هيا Pro وللى لسه لحد دلوقتى مفيش معاد محدد لنزول الموبايل ولكن فيه تسريبات بتوضح المواصفات اللى المتوقع تكون موجودة في الجهاز اللى هيكون فلاج شيب محترم

بالنسبة لشكل الموبايل هنلاقي ان الموبايل شكله جذاب جدا وألوانه جميله زى الأبيض التلجى و الأزرق و الأحمر و الأسود شاشة الموبايل 6.47 انش من نوعOLED بدقة 1080X2340 بيكسل بكثافة 398 بيكسل لكل انش وبتيجى ب Water Drop Notch وتقريبا الحواف معدومة و الموبايل كله شاشة
والتسريبات بتقول انه هيحتوى على مستشعر بصمة فى الشاشة و كمان الموبايل بيدعم تركيب شريحتين اتصال

الكاميرات الخلفية للموبايل رباعية وهتكون

40 MP, f/1.6, (wide), 1/1.7", PDAF/Laser AF, OIS
20 MP, f/2.2, 16mm (ultrawide), 1/2.7", PDAF/Laser AF
Periscope 8 MP, f/3.4, 80mm (telephoto), 1/4", 5x optical zoom, OIS, PDAF/Laser AF
TOF 3D camera

وبتدعم ال HDR وبتيجى بفلاش مزدوج وبتصور فيديو لحد جودة 2160p 

أما الكاميرا الأمامية ف هتكون واحدة بس بدقة 32 ميجا بيكسل بفتحة عدسة F2.0 بتصور Wide  وبتدعم HDR وبتصور فيديو بجودة 1080p

المواصفات الداخلية للموبايل قوية جدا زى مثلا المعالج اللى هيكون من نوع Kirin 980 وده أقوى معالج Kirin من هواوى وبييجى بتكنولوجيا 7 نانو ميتر 

المعالج الرسومى هيكون Mali-G76 MP10 واصدار الأندرويد

 هيكون Android Pie 9.0 بواجهة نظام Emui 9

كمان الرامات هتكون 8 جيجا بايت معا 3 نسخ من الذاكرة الداخلية 128 جيجا و 256 جيجا و 512 جيجا بايت معا امكانية اضافة كارت ميمورى مكان الشريحة التانية 

أما البطارية فبتيجى بسعة ضخمة 4200 ميللى أمبير وبتدعم الشحن السريع وكمان شحن Wireless سريع ومنفذ الشحن بيكون TYPE C 

ومن التسريبات ديه هنلاقى ان الموبايل امكانياته جبارة ونقدر نصنفه انه فلاج شيب مش فئة متوسطة وكمان فيه مميزات كتير زى ال Face ID و البصمة فى الشاشة  و تركيب شريحتين و استخدام كارت ميمورى والشحن السريع ومنفذ الشحن TYPE C ولكن زيه زي موبايلات كتير جديدة مفيهوش منفذ سماعات 3.5 ميللى 

سعر الموبايل المتوقع هيكون حوالى 1100 دولار يعنى حوالى 19000 جنيه مصرى