زى ما قلنا قبل كده ان شركة سامسونج اعلنت فى معرض MWC للتكنولوجيا فى برشلونة عن اصدار هاتفين جديدين Galaxy A30 و Galaxy A50 واللى هيستهدفوا الفئة المتوسطة وكنا اتكلمنا عن ال Galaxy A30 والنهاردة هنتكلم عن Galaxy A50
الموبايل المرادى مختلف عن A30 رغم ان Samsung أعلنت عن نزولهم فى نفس الوقت وفى نفس الفئة المتوسطة الا ان الاختلاف رهيب جدا ولازم نوضح المميزات الموجودة فى الموبايل اللى بتخليه رهيب فى الفئة المتوسطة
شكل الموبايل جميل جدا وجذاب وبييجى بتصميم من البلاستيك وواجهة من القزاز زي Galaxy A30 و رغم مميزات البلاستيك الا ان الموبايل مبيبقاش شكله غالى أو Premium
و الشاشة 6.4 انش بدقة 1080X2340 بيكسل بكثافة 403 بيكسل لكل انش من نوع Super Amoled و بدقة Full HD Plus
ألوان الموبايل أبيض و أسود و أزرق ولون ذهبى مرجانى وشكله قريب من ال Galaxy A30
الكاميرات الخلفية 3 واحدة أساسية بدقة 25 ميجا بيكسل وبفتحة عدسة F1.7
و الكاميرا التانية بدقة 8 ميجا بيكسل Ultrawide بفتحة عدسة F2.2
و الكاميرا الأخيرة بدقة 5 ميجا بيكسل بتشتغل ك Depth Sensor و بفتحة عدسة F2.2 و الكاميرا بتدعم خاصية HDR وبتصور فيديو لحد جودة 2160p
كاميرا السيلفى بدقة 25 ميجا بيكسل بفتحة عدسة F2.0 بخاصية HDR وبتصور فيديو بجودة 1080p
أداء الموبايل عالى بسبب وجود عتاد داخلى ممتاز زى
معالج من نوع Exynos 9610 ب 10 نانوميتر
من نوع Octa-core ومعالج رسومى من نوع Mali-G72
ورامات 6 جيجا بايت أو نسخة تانية 4 جيجا بايت
وذاكرة داخلية 128 جيجا بايت أو 64 جيجا بايت
نظام التشغيل Android 9.0 Pie وبواجهة One Ui
الموبايل فيه نفس المميزات الاضافية الموجودة فى Galaxy A30 لكن سامسونج أضافت مميزات تانية للموبايل زى البصمة فى الشاشة واللى سامسونج ما عملتش الميزة ديه غير فى Samsung S10
كمان الكاميرا التانية اللى من نوع Ultrawide بتدى ميزة اضافية للموبايل وبتخليك تاخد صور بتفاصيل أكتر عن العدسة العادية كمان المعالج القوى ب 10 نانوميتر هيقلل استهلاك البطارية
كل ده بسعر حوالى 350 دولار بس