Oppo AX5s
موبايل جديد من أوببو من الفئة المتوسطة ومن المتوقع نزوله فى شهر ابريل الجارى وبصراحة شركة أوببو بتقدم موبايلات كويسة جدا وبقت واحدة من أنجح الشركات فى الوطن العربى و فى العالم
مواصفات الموبايل
شكل الموبايل جميل جدا وتصميمه جذاب وخصوصا الشاشة ال 6.2 انش من نوع IPS LCD بدقة 720x1520 بيكسل بكثافة 271 بيكسل لكل انش وبيكون فيها النوتش الصغير و محمية بطبقة حماية Corning Gorilla Glass 3
والموبايل تقريبا كله شاشة والحواف صغيرة جدا و وزنه 170 جرام تقريبا
ألوان الموبايل أسود و أحمر وذهبى و أخضر
الموبايل بيدعم تركيب شريحتين اتصال معا كارت ميمورى فى نفس الوقت
الكاميرا الخلفية هتكون مزدوجة الأولى 13 ميجا بيكسل بفتحة عدسة F2.2 و التانية 2 ميجا بيكسل بفتحة عدسة F2.4 بتشتغل Depth Sensor وطبعا الكاميرات بتدعم HDR و Panorama وبتصور فيديو بجودة 1080p
الكاميرا الأمامية واحدة بس 8 ميجا بيكسل بفتحة عدسة F2.0 وبتدعم HDR
المعالج بيكون Mediatek Helio P35 و المعالج الرسومى PowerVR GE8320
أما الرامات فبتكون 3 نسخ 2 جيجا بايت أو 3 جيجا بايت أو 4 جيجا بايت
الذاكرة الداخلية بتكون نسختين الأولى 32 جيجا بايت و التانية 64 جيجا بايت
اصدار الأندرويد Android Oreo 8.1 بواجهة مستخدم Color OS 5.2
البطارية هتكون بسعة 4230 ميللى أمبير ومبتدعمش الشحن السريع ومنفذ الشحن Micro USB مش Type C
سعر الموبايل لسه متحددش بس من المتوقع انه مش هيكون أكتر من 230 دولار
مميزات الموبايل
. يدعم منفذ سماعات 3.5 ميللى
. يدعم مستشعر بصمة فى الضهر
. امكانية تركيب شريحتين وكارت ميمورى فى نفس الوقت
. البطارية سعتها كبيرة
العيوب
. اصدار الأندرويد مش أحدث حاجة
. الكاميرات تعتبر متوسطة الأداء وفيه منافسين كتير أفضل
. مبيدعمش الشحن السريع ومنفذ الشحن مش Type C