LG Q9 مواصفات وسعر

LG Q9شركة LG بتقدم موبايلات قوية جدا منهم Q9 اللى تم الاعلان عنه فى شهر يناير 2019 وتم اعلان انه هييجى بمواصفات قوية جدا ومميزات كتيرة زى طبعا الشاشة ونوع منفذ الشحن اللى بيكون Type C و غيرها من المميزات 

وبصراحة ديه خطوة كويسة جدا من الشركة انها تهتم بال WOW Factors فى أجهزتها وتخليها مميزة عن باقى الموبايلات

مواصفات الموبايل 

وزن الموبايل 159 جرام بأبعاد 153.2 x 71.9 x 7.9 mm (6.03 x 2.83 x 0.31 in)

و خامات تصنيعه من الزجاج و المعدن وديه حاجة كويسة جدا عكس البلاستيك اللى بيدى احساس ان الموبايل مش Premium 
ألوان الموبايل Carmine Red, New Aurora Black, New Moroccan Blue

الشاشة 6.1 انش من نوع IPS LCD بدقة 1440x3120 بيكسل بكثافة 564 بيكسل لكل انش طبعا ديه دقة عالية جدا وكثافة البيكسلات رهيبة وده اللى مخلى الشاشة ديه قوية جدا من أفضل الشاشات على الرغم من انها مش Amoled 

و بتدعم HDR 10 و خاصية Always On Display

الموبايل تقريبا كله شاشة وده لأنه بييجى بنوتش عادية وحواف صغيرة جدا

الموبايل بيدعم تركيب شريحتين اتصال و كارت ميمورى فى نفس الوقت 

الكاميرا الخلفية بتكون كاميرا واحدة 16 ميجا بيكسل PDAF بفتحة عدسة F2.2 وبزاوية Wide Angle 

الكاميرا بتدعم فلاش ليد و HDR و Panorama وبتصور فيديو بدقة 2160p بمعدل التقاط 30 اطار فى الثانية 

الكاميرا السيلفى 8 ميجا بيكسل Wide Angle بفتحة عدسة F1.9 

وبتدعم HDR و بتصور فيديو بدقة 1080p بمعدل التقاط 30 اطار فى الثانية

خصائص الكاميرا Autofocus, Continuous shooting, Digital zoom, Digital image stabilization, Optical image stabilization, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode, Macro mode, Phase detection, Laser autofocus, Face unlock

المعالج بيكون Snapdragon 821 من شركة Qualcomm بتكنولوجيا 14 نانواللى بتعمل على تخفيض استهلاك البطارية 

و المعالج الرسومى بيكون Adreno 530 اللى هيشغل الألعاب التقيلة من غير أى مشكلة واللى هيدى أداء سريع

الرامات بتكون 4 جيجا بايت و ذاكرة التخزين الداخلية بتكون 64 جيجا بايت 

معا امكانية تركيب كارت ميمورى بحد 1 تيرا بايت 

البطارية بتيجى بسعة 3000 ميللى أمبير وديه سعة معقلة على الرغم من انها مش كبيرة وفيه منافسين كتير بيقدموا بطاريات أقوى 

بتدعم الشحن السريع بقدرة 18W بخاصية Quick Charge 3.0

و منفذ الشحن بيكون USB Type C

سعر الموبايل 300 دولار تقريبا يعنى حوالى 5100 جنيه 

مميزات الموبايل
 يدعم مستشعر بصمة فى الضهر 
 يدعم تركيب شريحتين اتصال معا كارت ميمورى فى نفس الوقت 
 الشاشة جودتها عالية و كثافة بيكسلاتها ممتازة
 يدعم خاصية الشحن السريع ومنفذ الشحن Type C
 يدعم راديو FM و مدخل سماعات 3.5 ميللى 
 مضاد للماء و الأتربة بشهادة IP68
 يدعم NFC

عيوب الموبايل
 البطارية سعتها تعتبر عادية بالنسبة للمنافسين
 الكاميرا السيلفى أدائها متوسط
 نظام التشغيل قديم 

بصراحة الموبايل قوى جدا لأنه بيقدم مميزات رهيبة جدا ومش بنلاقيها فى موبايلات كتير وخصوصا الشاشة ال IPS الا ان جودتها عالية جدا وكمان وجود خاصية شحن سريع و منفذ شحن Type C وكمان مضاد للماء و الأتربة وده اللى بيخليه رهيب جدا بس العيب ان ممكن الكاميرات مش بجودة المنافسين ونفس الكلام بالنسبة للبطارية ولكن المواصفات و الأداء مستواهم ممتاز جدا